खेळ खेळे हरी कुंजनी, राधिकेच्या

खेळ खेळे हरी कुंजनी, राधिकेच्या Lyrics

(चाल: रुसलासी हरी का बरे...)

खेळ खेळे हरी कुंजनी, राधिकेच्या मना मोहनी ।।धृ0।।

भोळि राधा हरी पाहता, वेडि झाली बंसी ऐकता ।

रंगवी आत्म-रंगातुनी, राधिकेच्या मना मोहनी ।।१।।

जात होती यमूनेतिरी, गोरसाते धरोनी शिरी ।

माठ फोडी हरी धावुनी, राधिकेच्या मना मोहनी ।।२।।

दास तुकड्या म्हणे ही लिला, देव गोकुळासी खेळला ।

उद्धरील्या सख्या गोळणी,राधिकेच्या मना मोहुनी ।।३।।